Laporta: «Deku futbolni Alemaniga qaraganda ancha yaxshi tushunadi»

«Barselona» rahbari Joan Laporta klubning hozirgi sport direktori Deku Mateu Alemanidan ancha ustun ekanligini ta'kidladi.

Hozirda Madridning «Atletiko» klubida faoliyat yuritayotgan ispaniyalik mutaxassis (Alemani) 2021 yildan 2023 yilga qadar Kataloniya klubida ushbu lavozimni egallagan edi.

«Deku Alemanidan ancha yaxshiroq, chunki Alemani futbolni taxminan men bilan bir xil darajada tushunadi», — deya bayonot berdi Laporta. Uning so'zlarini «Esport3» nashri keltirmoqda.

Deku 2023 yilning yozidan buyon «Barsa» sport direktori lavozimida ishlab kelmoqda. Avvalroq, o'z vaqtida «ko'k-anorranglilar» safida futbolchi sifatida muvaffaqiyatli to'p surgan portugaliyalik funktsioner, agar Laporta prezidentlik saylovlarida mag'lub bo'lsa, klubdan ketishi mumkinligi haqida to'xtalib o'tgan edi.