Dyugarri: «Luis Enrike — provokatsiyalarni xush ko'ruvchi mutaxassis»

Frantsiya terma jamoasining sobiq hujumchisi Kristof Dyugarri Chempionlar ligasi 1/8 finali doirasidagi Londonning «Chelsi» klubiga qarshi kechgan dastlabki uchrashuvdan so'ng «PSJ» ustozi Luis Enrikening o'zini tutishi haqida fikr bildirdi. Parijliklar o'z maydonlarida 5:2 hisobida g'alaba qozonishgan edi.

«Enrikening kibri juda baland. Lekin uning bunga haqqi bor. Har bir insonning o'z xarakteri bor. Enrike provokatsiya qilishni yaxshi ko'radi», — deya sobiq futbolchining so'zlarini keltirmoqda «RMC Sport».

«Chelsi» va «PSJ» jamoalari o'rtasidagi javob uchrashuvi seshanba kuni, 17 martda Londonning «Stemford Bridj» stadionida bo'lib o'tadi. Ushbu qarama-qarshilik g'olibi UEFA Chempionlar ligasining chorak final bosqichi yo'llanmasini qo'lga kiritadi.