Runi: «Agar jamoa Chempionlar ligasiga yo'llanma olsa, Kerrik o'z o'rnida qolishi kerak»

Angliya terma jamoasi va «Manchester Yunayted»ning sobiq hujumchisi Ueyn Runi «qizil iblislar»ning amaldagi ustozi Maykl Kerrikning kelgusidagi istiqbollari haqida to'xtalib o'tdi.

«Agar mankunianliklar Chempionlar ligasiga chiqishsa, Maykl ishini davom ettirishi lozim. Kerrik bosh murabbiylikka asosiy nomzod bo'la oladi. O'ylaymanki, u albatta da'vogarlar ro'yxatida bor», — deya Ueynning so'zlarini keltirmoqda The Overlap.

Kerrik va «qizil iblislar» o'rtasidagi mehnat shartnomasi joriy mavsum yakuniga qadar amal qiladi.