Bolboy bilan bog'liq mojaro: Pedru Netu jazolanishi mumkin

UEFA "PSJ"ga qarshi o'yinda bolboy (to'p uzatuvchi bola) bilan sodir bo'lgan voqea tufayli "Chelsi" yarim himoyachisi Pedru Netuga nisbatan sanktsiyalar qo'llashi mumkin.

Chempionlar ligasi 1/8 finalining ilk uchrashuvida "ko'klar" safarda "PSJ"ga imkoniyatni boy berishdi (2:5). Bahs davomida parijliklar bosh murabbiyi Luis Enrike "Park de Prens"dagi bolboyga to'pni raqibga bermaslikni buyurgan. Shundan so'ng Netu bolaga yaqinlashib, uni itarib yuborgan va to'pni tortib olgan, natijada bolboy maydonga yiqilgan.

O'yindan so'ng futbolchi bolakaydan uzr so'raganini va unga o'z futbolkasini sovg'a qilganini ma'lum qildi.

"Chelsi" futbolchisi Pedru Netuga nisbatan UEFA Intizom reglamentining 15(1)(a)(v) moddasiga muvofiq, sportga zid xulq-atvor uchun intizom ishi qo'zg'atildi. UEFA intizom organlari ushbu ish bo'yicha belgilangan tartibda qaror qabul qiladi", – deb xabar berdi jurnalist Nizaar Kinsella UEFAga tayanib.