Makallister: "Slotning iste'fosi haqida gap bo'lishi mumkin emas"

Gari Makallisterning fikricha, Arne Slot ushbu mavsum davomida ishdan bo'shatilishi dargumon.

"Chempionlar ligasiga yo'llanma olish Slotga kamida yana bir mavsumni kafolatlaydi, bu aniq. "Enfild"da sarosimaga tushishayotganini ko'rmayapman, bu ularning uslubi emas.

Menimcha, katta o'zgarishlar yuz berdi. To'g'ri, o'sha porloq chempionlik mavsumida tarkibga faqat bitta yangi o'yinchi qo'shilgan edi, ammo ba'zi nozik o'zgarishlar ham bor edi. Klopp davridagi uslubdan farqlar mavjud. Slot afsonaviy shaxsdan estafetani qabul qilib olib, ishni qanday uddalagani tahsinga loyiq deb hisoblayman.

Arne ancha vazmin, shuni aytish kerak. U haddan tashqari hissiyotlarga berilmaydi, o'zini bosiq tutadi. O'ylaymanki, u o'z kuchini yana bir bor sinab ko'rishni [va keyingi mavsumda ham ishlashni] istaydi", – dedi "Liverpul"ning sobiq yarim himoyachisi.