Nevill: "Tottenxem"ning APLdan chiqib ketishi liga uchun foydali bo'lardi"

O'tmishning mashhur futbolchisi Gari Nevill «Tottenxem»dagi vaziyat borasida o'z fikrlari bilan o'rtoqlashdi. London jamoasi hozirda 16-o'rinni egallab turibdi va Premer-liganing xavfli hududidan (quyi ligaga tushib ketish zonasi) atigi bir ochko oldinda, xolos.

«Agar «Tottenxem» chiqib ketsa, bu Premer-liga uchun juda yaxshi bo'lardi. Raqobat nuqtai nazaridan «Lids»ning qolishi ajoyib bo'lardi. «Sanderlend» ham ligada qolishi kerak», — deya Nevillning so'zlarini keltirmoqda The Touchline nashri The Overlap ko'rsatuviga tayanib.

«Tottenxem» Angliya chempionatidagi navbatdagi o'yinini yakshanba kuni, 15 martda safarda «Liverpul»ga qarshi o'tkazadi. Bahs Toshkent vaqti bilan soat 21:30 da boshlanadi.