Frantsiya chempionati o'yinlari 15 aprelgacha muxlislarsiz o'tkaziladi

Frantsiya chempionati o'yinlari 15 aprelgacha muxlislarsiz o'tkaziladigan bo'ldi. Koronavirus xavfi tufayli Frantsiya professional futbol ligasi shunday qarorga keldi.

Shu tariqa, bir oy davomida Liga 1 va Liga 2 uchrashuvlariga muxlislarning kirishiga yo'l qo'yilmaydi.

Eslatib o'tamiz, koronavirus tufayli Italiya chempionati to'xtatib qo'yilgan bo'lsa, Ispaniya chempionatining navbatdagi 2ta tur bahslari bo'sh stadionda o'tkazilishi haqida qaror qabul qilingan.