«Liverpul» «Real»ning 70 million evrolik himoyachisiga ko'z tikmoqda

Madridning «Real» klubi himoyachisi Din Xyoysen Angliya Premer-ligasiga qaytishi mumkin.

Jurnalist Ekrem Konurning xabar berishicha, «Liverpul» ispaniyalik himoyachining xizmatlariga qiziqish bildirmoqda. Biroq ta'kidlanishicha, «qaymoqranglilar» jamoaga faqat o'tgan yozda kelib qo'shilgan 20 yoshli futbolchini qo'yib yuborish istagida emaslar.

Xyoysen «Real» tarkibida barcha musobaqalarda jami 29 ta o'yin o'tkazib, o'z hisobiga bitta gol va ikkita golli uzatmani yozdirib qo'ygan.

Xyoysenning «Real» bilan amaldagi mehnat shartnomasi 2030 yilgacha mo'ljallangan. Transfermarkt portali mutaxassislari futbolchining transfer qiymatini 70 million evroga baholamoqda.