"Bayer" ustozi "Arsenal" bilan o'yindan so'ng: "Top-jamoaga qarshi ajoyib o'yin ko'rsatdik"

Leverkuzenning «Bayer» klubi bosh murabbiyi Kasper Yulmann Londonning «Arsenal» jamoasiga qarshi kechgan o'yin (1:1) haqidagi taassurotlari bilan o'rtoqlashdi.

«Dorishunoslar» Chempionlar Ligasi 1/8 finalining dastlabki bahsida g'alabaga juda yaqin edilar, biroq 89-daqiqada gol o'tkazib yuborishdi — Kay Xaverts penaltidan unumli foydalandi. Mezbonlar safida 46-daqiqada Robert Andrix gol muallifiga aylangan edi.

«Hissiyotlarim aralash. Biz yaxshi o'ynadik, «Arsenal» ko'p ham xavfli vaziyatlar yarata olgani yo'q. Top-darajadagi raqibga qarshi ajoyib o'yin ko'rsatdik. Albatta, yakunda shunchaki durang qayd etilgani juda alamli. Oldinda Londondagi o'yin kutib turibdi, u erda «Arsenal»ga juda katta bosim bo'ladi. Biz javob uchrashuvini intiqlik bilan kutyapmiz va g'alaba qozonishni istaymiz», – dedi Yulmann UEFA bilan suhbatda.

«Emireyts»dagi uchrashuv 17 mart kuni bo'lib o'tadi.