Kin, Girassi yoki Vlaxovich — "Milan" kimni tanlaydi?

"Milan" klubi Moyze Kinni sotib olishni ko'zlamoqda.

La Gazzetta dello Sport nashrining tasdiqlashicha, "rossonerilar" aynan shu turdagi hujumchiga ehtiyoj sezmoqda va "Fiorentina" futbolchisini qanchaga sotib olish mumkinligini aniqlashtirish niyatida.

Iyul oyining dastlabki 15 kuni davomida futbolchining shartnomasida 62 million evrolik tovon puli haqidagi band amal qiladi. Biroq Kinning u qadar muvaffaqiyatli chiqmagan mavsumidan so'ng (A Seriyaning 24 ta o'yinida 8 ta gol), bu raqamlar katta ahamiyatga ega emas. Milanliklar yaqin bir necha hafta ichida qancha miqdorda chegirma olish mumkinligi bo'yicha ma'lumot to'plamoqchi.

Moyze yiliga 4,5 million evro maosh oladi va u "Milan" bosh murabbiyi Massimiliano Allegriga "Yuventus"dagi faoliyati orqali juda yaxshi tanish.

Shuningdek, "qizil-qoralar" Kinga muqobil sifatida Dortmundning "Borussiya" klubi hujumchisi Seru Girassi nomzodini ham ko'rib chiqishmoqda. Dushan Vlaxovichga bo'lgan qiziqish ham saqlanib qolgan, biroq serbiyalik futbolchi "Yuventus" bilan shartnomani uzaytirish bo'yicha muzokaralarni qayta boshlagan.