"Real" va "Manchester Siti" o'rtasidagi bahs oldidan kutilmagan tayyorgarlik

Chorshanba oqshomida Chempionlar Ligasida katta o'yin bo'lib o'tadi — "Real" o'z maydonida "Manchester Siti"ni qabul qiladi. The Touchline nashrining xabar berishicha, "Santyago Bernabeu" stadionida o'yin oldidan tom yopilgan.

Ob-havo ma'lumotlari saytlariga ko'ra, ayni damda Madridda havo ancha iliq, +15 daraja, bir necha soatdan keyin harorat +13 darajaga tushadi. Yog'ingarchilik yo'q va kutilmayapti. Ehtimol, "Real" tomi yopiq stadionda jamoa akustika jihatidan qandaydir ustunlikka ega bo'ladi deb hisoblayotgandir?

"Real" va "Manchester Siti" o'rtasidagi Chempionlar Ligasi bahsi Toshkent vaqti bilan soat 01:00 da boshlanadi.