Og'ir jarohat Rodrigoning APLga o'tishiga to'sqinlik qiladi

"Tottenxem" shu yozda "Real" vingeri Rodrigo bilan shartnoma imzolamoqchi edi. Bu haqda Nikolo Skira xabar bermoqda.

Manba bergan ma'lumotlarga ko'ra, "shporlar" futbolchining agentlari bilan muzokaralar olib borishgan, biroq u jiddiy jarohat olganidan so'ng futbolchini sotib olish variantidan voz kechishgan. Endi braziliyalik futbolchi "Real"da qoladigan bo'ldi.

Bugun, 10 mart kuni Rodrigo tizzasidagi bog'lamlar uzilishidan so'ng operatsiya qilindi. Hujumchi Jahon chempionatini o'tkazib yuboradi va maydonga faqat sentyabr oyida qaytadi.