Xavining ayblovi va Laportaning javobi: Messi nega 2021 yilda klubda qolmagan edi?
/ Kiritdi: BestMaster Ko'rilgan: 30
"Barselona" prezidenti Joan Laporta Lionel Messining klubdan ketgani haqida fikr bildirdi. Avvalroq "ko'k-anorranglilar" sobiq bosh murabbiyi Xavi argentinalik futbolchi 2023 yilda qaytishga tayyor bo'lganini aytgan edi: "Hamma narsa tayyor edi, u qaytishni istardi, bizda La Liganing ruxsati bor edi. Ammo Laporta hammasini to'xtatib qoldi".
"Biz Messi bo'yicha nima qilishimiz kerakligi haqida gaplashib bo'lganmiz. Biz uning haykalini Kroyff haykali yoniga o'rnatishimiz va barcha 105 000 tomoshabinni sig'dira oladigan "Kamp Nou"da katta xayrlashuv marosimini o'tkazishimiz kerak. Menimcha, tarixdagi eng yaxshi futbolchi uchun bu adolatli bo'ladi.
Biz 2021 yilda Messi bilan shartnomani uzaytirmadik, chunki ish haqi fondi nazoratdan chiqib ketgandi, ulkan qarzdorlik mavjud bo'lgan vaziyatda esa u yanada oshib ketardi. Bu shunchaki imkonsiz edi.
Maqsadimiz shartnomani uzaytirish edi. Biz kreativ echimlar izladik, biroq Tebas tarixdagi eng yaxshi futbolchining Ispaniya ligasida qolishiga qarshi chiqdi", — dedi Laporta SER Catalunya portalining Qué t’hi jugues dasturi efirida.
Bosh sahifaga
254