"Arsenal" "Real"ning katta tajribaga ega futbolchisini tekinga olishni maqsad qildi

Madridning "Real" klubi markaziy himoyachisi Antonio Ryudiger mavsum yakunlanganidan keyin Londonga qaytishi mumkin.

"Qirollik klubi" 33 yoshli "Chelsi" sobiq futbolchisi bilan shartnomani uzaytirishga shoshilmayapti, shu sababli u iyul oyidayoq erkin agentga aylanishi mumkin. Football Insider ma'lumotlariga ko'ra, Ryudigerni o'z safiga qo'shib olishga "Arsenal" qiziqish bildirmoqda. "Kanonirlar" vakillari nemis futbolchisining tajribasi va etakchilik fazilatlari jamoaga katta yordam beradi, deb hisoblashmoqda.

Antonio Ryudiger 2022 yilning yozida "Chelsi"dan "Real"ga ko'chib o'tgan edi. "Ko'klar" safida to'p surgan vaqtida futbolchi Premer-ligada 133 ta o'yin o'tkazib, 9 ta gol va 3 ta golli uzatmani amalga oshirgan.