"Atletiko" ustozi "Tottenxem" ustidan qozonilgan yirik g'alaba haqida fikrlarini bildirdi
/ Kiritdi: BestMaster Ko'rilgan: 1560
UEFA Chempionlar ligasi 1/8 finalining ilk uchrashuvida Madridning "Atletiko" jamoasi o'z uyida Londonning "Tottenxem" klubini 5:2 hisobida mag'lub etdi. Ushbu natija haqida "matraschilar" ustozi Diego Simeone o'z fikrlarini bildirdi.
"O'yin bizning foydamizga hal bo'ldi, biz o'z imkoniyatlarimizdan foydalana oldik. "Atletiko" APLning kuchli vakili ustidan muhim g'alabaga erishdi. Javob o'yinida bizga oson bo'lmaydi. Umumiy baholaydigan bo'lsak, yaxshi o'yin o'tkazdik. Vaholanki, g'alaba bundan ham yirik bo'lishi mumkin edi", — deya argentinalik mutaxassisning so'zlarini keltiradi Marca gazetasi.
Javob uchrashuvi 18 mart, chorshanba kuni "tumanli Albion"da bo'lib o'tadi.
Bosh sahifaga
253