Sarri nohush seriyasiga barham berdi

Italiya chempionati 28-turining so'nggi o'yinida "Latsio" "Sassuolo" ustidan 2:1 hisobida g'alaba qozondi.

Bu g'alaba Mauritsio Sarrining g'alabasiz seriyasiga chek qo'ydi - "Latsio" ettita o'yinda g'alaba qozona olmayotgan edi. Bu Sarrining o'n bir yil ichidagi eng yomon g'alabasiz seriyasi edi, u oxirgi marta shunga o'xshash holatni past darajadagi "Empoli"dagi faoliyati davomida boshdan kechirgan edi.

Eslatib o'tamiz, "Latsio" Italiya chempionatining keyingi bosqichida 15 mart kuni "Milan" bilan to'qnash keladi. "Latsio" oxirgi marta Italiya chempionligini 2000-yilda qo'lga kiritgan edi.