Yamal joriy mavsumdagi 34-golli harakatini amalga oshirdi

«Barselona» vingeri Lamin Yamal joriy mavsumda klub safidagi 37 ta o'yinda «gol+pas» tizimi bo'yicha 34 ochko jamg'ardi.

18 yoshli futbolchi Chempionlar ligasi 1/8 finali doirasidagi «Nyukasl»ga qarshi ilk uchrashuvning (1:1) 96-daqiqasida penaltidan hisobni tenglashtirdi.

Hozirda Yamalning hisobida «Barselona» safidagi 37 ta o'yinda 20 ta gol va 14 ta golli uzatma mavjud: La Liganing 23 ta o'yinida 14+9, Ispaniya Kubogining 5 ta bahsida 2+2, Chempionlar ligasining 7 ta uchrashuvida 4+3 va Ispaniya Superkubogining 2 ta o'yinida 0 ochko.