Evra: "Palmer, agar "Chelsi"ni xafa qilmoqchi bo'lsang, unda "Manchester Yunayted"ga xush kelibsan!"

"Manchester Yunayted" va Frantsiya terma jamoasining sobiq futbolchisi Patris Evra "Chelsi" yarim himoyachisi Koul Palmer "qizil iblislar" uchun qimmatli boylik bo'lishi mumkinligiga ishonadi. Avvalroq Palmer bolaligida "Manchester Yunayted" muxlisi bo'lgani haqida xabar berilgan edi.

"Menimcha, hamma "Manchester Yunayted" muxlisi, lekin hamma ham ular uchun o'ynamaydi. Bolaligingizda ma'lum bir jamoaning muxlisi bo'lishingiz mumkin, ammo futbolchi bo'lganingizda bu butunlay boshqacha hikoya. Palmer juda istiqbolli iste'dod va o'sib borayotgan yulduz; u "Chelsi" bilan katta shartnoma imzoladi, shuning uchun u keta oladimi, amin emasman. Agar "MYu"da o'ynashni istasa, uni ochiq qo'llar bilan kutib olardim.

Hozirda men "MYu" himoyasini yaxshilashga ko'proq e'tibor qaratyapman. Palmer ko'p jarohat oldi va u yana formaga kirishi kerak. "MYu"da o'ynaganingizda, shunchaki bir oy yaxshi o'ynab bo'lmaydi; siz butun yil davomida natijalarga erishishingiz kerak. Bu klubda o'ynash bosimi shunday. Palmer "MYu"ni keyingi bosqichga olib chiqadimi yoki yo'qmi, ayta olmayman, chunki u erdagi bosim "Chelsi"dagidan farq qiladi.

Palmer, agar siz "Manchester Siti"ni Karlos Teves ilgari "MYu"ni xafa qilganidek xafa qilmoqchi bo'lsangiz, unda xush kelibsiz!" - dedi Evra Tribal Football bilan suhbatda.