"Real Madrid" "Manchester Siti"ga qarshi dastlabki o'yinni o'tkazib yuboradigan futbolchilari haqida rasmiy ma'lumot berdi

Madridning «Real» klubi o'zining rasmiy saytida Chempionlar ligasi 1/8 finalidan o'rin olgan «Manchester Siti»ga qarshi ilk o'yin oldidan tarkibdagi holat bo'yicha ma'lumot berdi. Madridliklarning bir yo'la olti nafar futbolchisi ushbu muhim bahsni o'tkazib yuboradigan bo'ldi. Ular orasida jamoa etakchilari — frantsiyalik hujumchi Kilian Mbappe va britaniyalik yarim himoyachi Jud Bellingem ham bor.

«Alaba, Bellingem, Karreras, Sebalos, Mbappe va Militao jarohatdan so'ng tiklanish jarayonini davom ettirishmoqda», — deya xabar berdi klub matbuot xizmati o'yin prevyusida.

Bundan tashqari, hujumchi Rodrigo ham tizzasidagi operatsiya tufayli safdan chiqqan. «Real Madrid» va «Manchester Siti» o'rtasidagi dastlabki uchrashuv 11 mart kuni «Santyago Bernabeu» stadionida bo'lib o'tadi.