«Atletiko» «PSJ» futbolchisini Grizmannga o'rinbosar sifatida ko'rmoqda

«PSJ» hujumchisi Li Kan In kelayotgan yozda klub ro'yxatini o'zgartirishi mumkin. Futbolchiga «Atletiko» qiziqish bildirmoqda.

Madridliklar hujumchini sotib olish niyatida, chunki klub yaqin orada MLSga ko'chib o'tishni rejalashtirayotgan Antuan Grizmannning ketishiga tayyorgarlik ko'rmoqda. Sky Sports nashrining ta'kidlashicha, «Atletiko» vakillari ehtimoliy transfer masalasida Li Kan Inning agenti bilan bog'lanishgan.

«PSJ» rahbariyati hujumchi bilan shartnomani uzaytirish niyatida, biroq agar tomonlar kelisha olmasalar, parijliklar hujumchini 40 million evroga sotishga tayyor bo'ladilar.