Neymarda so'nggi imkoniyat: Karlo Anchelotti «Santos» yulduzining o'yinini kuzatadi

Neymar mart oyidagi o'yinlar uchun Braziliya terma jamoasiga chaqirilishi mumkin.

UOL ma'lumotlariga ko'ra, «Santos» hujumchisi hozirda 50 dan ortiq kishidan iborat bo'lgan kengaytirilgan tarkibga kiritilgan.

34 yoshli futbolchi 11 mart kuni «Mirassol»ga qarshi bahsda maydonga tushmaydi. Shu sababli, nashrda ta'kidlanishicha, unda milliy terma jamoa bosh murabbiyi Karlo Anchelottini Frantsiya va Xorvatiyaga qarshi o'yinlarga chaqirishga ishontirish uchun faqat bitta uchrashuv («Korintians»ga qarshi) qoladi.

Shunga qaramay, italiyalik mutaxassis baribir «Santos»ning yaqin oradagi o'yiniga tashrif buyuradi va Neymar bilan suhbatlashadi.

«Barselona» va «PSJ»ning sobiq futbolchisi oxirgi marta 2023 yilning oktyabr oyida terma jamoa safida maydonga tushgan edi.