Boks. To'rt sportchimizdan 3 nafari yarim finalda yutqazdi

Amman shahrida boks bo'yicha Osiyo/Okeaniya mintaqalari uchun o'tkazilayotgan litsenzion musobaqaning yarim final bosqichi doirasidagi kunduzgi janglar bo'lib o'tdi. Unda 4 nafar bokschimiz ringga ko'tarildi.

Vakillarimiz orasida 52 kg. vaznli Shahobiddin Zoirov boshlab berdi. U tailandlik Tutisan Panmot bilan bahs olib bordi. Afsuski, mazkur bahs tailandlik bokschining g'alabasi bilan yakunlandi va Zoirov musobaqaning bronza medali bilan taqdirlandi.

63 kg. vazn toifasida turnirda ishtirok etayotgan Elnur Abduraimov final yo'llanmasi mo'g'ulistonlik tajribali Chinzorig Batarsuxga qarshi jang olib bordi. Jang davomida o'zining aniq va kuchli zarbalari bilan ajralib turgan Elnur g'alabani qo'lga kiritdi.

69 kg. vaznda Bobousmon Baturov yarim finalda Iordaniyaning ishongan bokschisi Hussayn Yashashga ringga ko'tarildi. Keskin va murosasiz kechgan bahsda mezbon sportchining qo'li baland keldi — 3:2.

91 kg. vazn toifasida hamyurtimiz Sanjar Tursunov yangi zelendiyalik sportchiga qarshi ringga ko'tarildi. Afsuski, surxondaryolik bokschimiz David Nikaga qarshi bahsda imkoniyatni boy berib qo'ydi.

Shu tariqa, litsenzion musobaqada terma jamoamizning bronza medallari soni 3taga etdi.

Kechki dasturda Mirazizbek Mirzaxalilov (57 kg.) va Bahodir Jalolov (+91 kg.) yarim final janglarini o'tkazishadi.