«Bavariya» yulduzi EChL o'yini oldidan: «Raqib kimligining ahamiyati yo'q»

«Bavariya» yarim himoyachisi Aleksandr Pavlovich Chempionlar ligasi 1/8 finali doirasidagi Italiyaning «Atalanta» jamoasiga qarshi bahs oldidan o'z kutilmalari bilan o'rtoqlashdi.

Dastlabki to'qnashuv seshanba kuni, 10 martda Bergamoda bo'lib o'tadi, javob uchrashuvi esa sakkiz kundan keyin Myunxenda o'tkaziladi.

«Bu gal yana bir nemis jamoasi bilan o'ynamayotganimizdan xursandman. O'yinni intiqlik bilan kutyapman, biz g'alaba qozonish ishtiyoqida yonyapmiz. «Atalanta» tipik Italiya jamoasi kabi ajoyib himoyalanadi va qarshi hujumlarda qiyinchilik tug'dirishga qodir. Biz diqqatli bo'lishimiz va o'z futbolimizni ko'rsatishimiz kerak. Agar Chempionlar ligasida g'olib chiqmoqchi bo'lsang, barcha raqiblarni mag'lub etishing lozim, shuning uchun menga kim bilan to'qnash kelishimizning farqi yo'q. Qadamma-qadam oldinga intilamiz — keyin ko'ramiz», — deya Pavlovichning so'zlaridan iqtibos keltirmoqda Bayern & Germany.

Ertangi «Atalanta» va «Bavariya» o'rtasidagi o'yin Toshkent vaqti bilan tungi soat 01:00 da boshlanadi.