Luka Modrich «Real»ga qaytishi haqidagi mish-mishlarga javob berdi

«Milan» yarim himoyachisi Luka Modrich Madridning «Real» klubiga qaytishi haqida tarqalgan ma'lumotlarga izoh berdi.

So'nggi kunlarda ommaviy axborot vositalarida «qirollik klubi»ning «rossoneri» bosh murabbiyi Massimiliano Allegriga qiziqish bildirayotgani haqida xabarlar ko'paydi. Shu bilan birga, italiyalik mutaxassis Milanga ketishdan oldin 13 yil davomida «Real» sharafini himoya qilgan Modrichni o'zi bilan birga olib ketmoqchi ekani aytilgan edi.

«Real»ga qaytish? Klub atrofida doim mish-mishlar ko'p bo'ladi, lekin men bunga aralashmayman. Men «Milan»da baxtliman», — deya Modrichning so'zlaridan iqtibos keltiradi Madrid Universal.

40 yoshli xorvatiyalik futbolchining A Seriya grandi bilan shartnomasi mavsum yakuniga qadar mo'ljallangan, biroq yarim himoyachining xohishiga ko'ra, kelishuv avtomatik tarzda yana bir yilga uzaytirilishi mumkin.