“Real Madrid”ning ikki etakchisi “Manchester Siti”ga qarshi o'ynamaydi

Madridning «Real» klubi himoyachisi Marselo EChL nimchorak final «Manchester Siti»ga qarshi javob o'yinida ishtirok etmaydi. Bu haqda Marca nashri xabar tarqatdi.

Manbaning xabariga ko'ra, futbolchi «Betis»ga qarshi o'yinda jarohat olgan. Qolaversa, “qaymoqranglilar” darvozaboni Tibo Kurtua ham “shaharliklar”ga qarshi o'yinda maydonga tushmaydi.

Eslatib o'tamiz, «Siti» va «Real» o'rtasidagi javob uchrashuvi 17 mart kuni bo'lib o'tadi. Dastlabki uchrashuvda Gvardiola shogirdlari 2:1 hisobida g'alaba qozongan edi.