«Milan» himoyachisi: «Bu faoliyatimdagi eng muhim gol»

«Milan» himoyachisi Pervis Estupinyan Italiya chempionatining 28-turidan o'rin olgan «Inter»ga qarshi o'yindagi (1:0) g'alaba goliga izoh berdi.

«Ha, bu faoliyatimdagi eng muhim gol. Biz shu hafta davomida qattiq ishladik va bu o'sha mehnatning natijasidir. Murabbiy bo'sh hududlarga kirib borish bo'yicha aniq ko'rsatma bergan edi va bu o'z samarasini berdi. Biz buning ustida hafta davomida tinimsiz ishladik, murabbiy menga oldinga o'tishni aytgandi va men kerakli paytni to'g'ri tanlay oldim», — deya 28 yoshli ekvadorlik futbolchining so'zlaridan iqtibos keltiradi DAZN.

Estupinyan 2025 yilning iyul oyidan buyon «Milan» sharafini himoya qilib kelmoqda. 2025/26 yilgi mavsumda u 18 ta o'yinda maydonga tushib, bitta gol urdi va bitta golli uzatmani amalga oshirdi.