A Seriya. Estupinyanning goli «Milan»ga «Inter» ustidan g'alaba keltirdi (Videosharh)

Italiya chempionatining 28-turidan o'rin olgan bahsda «Milan» «Inter» ustidan 1:0 hisobida g'alaba qozondi.

O'yindagi yagona golni 35-daqiqada ekvadorlik himoyachi Pervis Estupinyan kiritdi. Har ikki jamoa raqib darvozasi sohasiga ikkitadan aniq zarba yo'lladi.

Ushbu g'alabadan so'ng «Milan» (28 o'yindan keyin 60 ochko) Italiya chempionati turnir jadvalida ikkinchi o'rinni egallab turibdi. «Inter» (28 o'yindan keyin 67 ochko) esa hamon peshqadamlik qilmoqda.

Kelgusi turda «Inter» 14 mart kuni o'z maydonida «Atalanta»ni qabul qiladi, «Milan» esa 15 mart kuni mehmonda «Latsio»ga qarshi maydonga tushadi.

A Seriya. 28-tur
«Juzeppe Meatstsa», Milan

«MILAN» — «INTER» — 1:0
Gol: Estupinyan 35 (1:0).

«Milan»: Menyan, de Vinter, Pavlovich, Tomori, Rabo, Modrich, Fofana (Richchi, 73), Estupinyan, Salemakers, Leau (Fyullkrug, 73), Pulishich (Nkunku, 84).

«Inter»: Zommer, Akandji, Bastoni (Karlos Augustu, 68), Bissek (Diuf, 80), Zelinski, Mxitaryan (Dyumfris, 59), Barella (Frattezi, 68), Dimarko, Luis Enrike (Suchich, 59), Bonni, Espozito.

Ogohlantirishlar: Rabo (80), Modrich (89) — Bastoni (65), Dyumfris (69).