«Bayer»da porlayotgan himoyachi «Liverpul»ga qaytmaydigan bo'ldi

«Liverpul» klubi himoyachi Jarell Kuansaning kelajagi borasida o'z pozitsiyasini belgilab oldi. Bu haqda Football Insider nashri xabar bermoqda.

«Qizillar» futbolchini qayta sotib olish huquqidan foydalanish niyatida emaslar. Kuansa o'tgan yozda «Enfild»ni tark etib, «Bayer»ga o'tgan edi. Transfermarkt ma'lumotlariga ko'ra, transfer summasi 35 million evroni tashkil qilgan. «Liverpul»da himoyachini belgilangan mablag' evaziga qaytarib olish imkoniyati mavjud edi.

Joriy mavsumda Jarell Kuansa «Bayer» safida 34 ta o'yinda maydonga tushdi. Ushbu bahslarda futbolchi raqiblar darvozasini to'rt bor ishg'ol qilishga muvaffaq bo'ldi.