Entso Fernandes orzusi nima ekanligini aytdi

«Chelsi» yarim himoyachisi Entso Fernandes Chempionlar ligasi 1/8 finali doirasidagi «PSJ»ga qarshi bo'lajak o'yin borasidagi kutilmalari bilan o'rtoqlashdi. U ushbu turnirda zafar quchishni xohlayotganini ta'kidladi.

«Mening orzum — Chempionlar ligasida g'olib chiqish. Biz buning klub uchun qanchalik muhim ekanligini bilamiz. Qanday jamoaga qarshi maydonga tushishimizdan xabardormiz, biroq o'z kuchimizga ishonamiz», — dedi Fernandes.

«PSJ» va «Chelsi» o'rtasidagi dastlabki uchrashuv 11 mart kuni bo'lib o'tadi. Bahs Parijdagi «Park de Prens» stadionida o'tkaziladi.