Fabritsio Romano Rodrining «Real»ga o'tishi borasida muhim yangilikni e'lon qildi

Insayder Fabritsio Romano «Manchester Siti» yarim himoyachisi Rodrining Madridning «Real» klubiga ehtimoliy o'tishi haqida muhim yangilikni e'lon qildi.

So'nggi kunlarda OAVda «qaymoqranglilar»ning «shaharliklar» tayanch yarim himoyachisiga bo'lgan qiziqishi haqida yangi mish-mishlar to'lqini tarqaldi. Ko'rinishidan, bu galgi gap-so'zlar jiddiy asosga ega.

«Rodri va «Real»? Yaqin kunlarda sizlarga tafsilotlarni aytib beraman», — dedi mashhur transfer eksperti Romano.

Rodrining «Manchester Siti» bilan amaldagi mehnat shartnomasi 2027 yilning o'rtalariga qadar mo'ljallangan. Transfermarkt portali 29 yoshli ispaniyalik xavbekning qiymatini 75 million evroga baholamoqda.