«Liverpul» 80 million evrolik himoyachi uchun taklif tayyorlamoqda

«Liverpul» klubi «Nottingem Forest» markaziy himoyachisi Murillo uchun asosiy da'vogarlardan biri bo'lib turibdi.

«Qizillar» allaqachon 23 yoshli futbolchi bo'yicha rasmiy taklif tayyorlashmoqda. Bu haqda TEAMtalk nashriga tayangan holda Transfer News Live xabar bermoqda. «O'rmonchilar» braziliyalik futbolchining sotuvidan salmoqli mablag' — taxminan 70 million funt sterling (80 million evrodan ortiq) ishlab olmoqchi.

Murilloga bo'lgan qiziqish avvalroq «Manchester Yunayted», «Chelsi» va Angliya Premer-ligasining boshqa grandlari tomonidan ham bildirilgan edi. Transfermarkt portali futbolchining qiymatini 55 million evroga baholamoqda, markaziy himoyachining «Nottingem Forest» bilan shartnomasi 2029 yilgacha mo'ljallangan.