A Seriya. «Yuventus» autsayderga hech qanday imkoniyat qoldirmadi

«Yuventus» Italiya chempionatining 28-turi doirasidagi o'z uyida kechgan bahsda «Piza»ni mag'lub etdi — 4:0.

Uchrashuvda gollarni Andrea Kambyaso, Kefren Tyuram, Kenan Yildiz va Jeremi Boga kiritishdi. Shuningdek, Yildiz o'z hisobiga bitta golli uzatmani ham yozdirib qo'ydi.

«Piza» ketma-ket to'rtinchi mag'lubiyatini qabul qilib oldi. Jamoa 28 ta o'yindan so'ng 15 ochko bilan Italiya chempionati turnir jadvalida eng so'nggi, 20-o'rinni egallab turibdi. «Yuventus» esa 28 ta uchrashuvdan keyin 50 ochko to'plagan holda oltinchi pog'onada bormoqda.

A Seriya. 28-tur
08.03.2026 | 00:45
«Allyants Stedium», Turin

«YuVENTUS» — «PIZA» — 4:0
Gollar: Kambyaso 54 (1:0), Tyuram 65 (2:0), Kenan Yildiz 75 (3:0), Boga 90+3 (4:0).

«Yuventus»: Perin, Bremer, Gatti (Kelli, 46), Kalyulyu, Lokatelli, Tyuram (Kopmeyners, 77), Kambyaso, Makkenni, Konseysau (Miretti, 77), Kenan Yildiz (Kostich, 83), Devid (Boga, 46).

«Piza»: Nikolas, Karachcholo, Koppola, Kalabrezi (Iling-Djunior, 76), Marin (Kuadrado, 60), Xeyxolt (Loyola, 60), Ebisher, Angori, Leris (Pichchinini, 60), Durosinmi (Stoilkovich, 76), Moreo.

Ogohlantirishlar: Bremer (72) — Marin (39), Leris (48), Karachcholo (70).