Vinisius «Man Siti»ga qarshi uchrashuv haqida: «Benuqson harakat qilishimiz shart»

Madridning “Real” klubi hujumchisi Vinisius Junior Chempionlar Ligasining 1/8 finali doirasida “Manchester Siti”ga qarshi bo'ladigan uchrashuvdan nimalar kutayotgani haqida gapirdi.

“Biz "Manchester Siti"ga qarshi bahsda hujum qilishni va ustunlikka erishishni istaymiz. Maqsadimiz — har bir to'p uchun kurashadigan "Real"ning eng kuchli versiyasini ko'rsatishdir. "Siti" bilan o'yinda biz benuqson harakat qilishimiz shart. Muxlislarimizdan esa har doimgi ishini qilishlarini so'raymiz: bizni qo'llab-quvvatlab, "Santyago Bernabeu"ni raqib uchun eng qiyin manzilga aylantirishsin”, deydi Vinisius.

Ma'lumot uchun, “Real” va “Manchester Siti” o'rtasidagi dastlabki uchrashuv 11 mart kuni “Santyago Bernabeu” stadionida bo'lib o'tadi. Javob o'yini esa 17 martga belgilangan bo'lib, u “Etihad” stadionida o'tkaziladi.

Avvalroq “Real Madrid” “Manchester Siti” yarim himoyachisi Rodri va “Borussiya Dortmund” himoyachisi Niko Shlotterbek transferi uchun 100 million evro ajratishni rejalashtirayotgani haqida xabar berilgan edi.