La Liga: Valverdening so'nggi daqiqalardagi goli «Real»ga uch ochko taqdim etdi

Ispaniya chempionatining 27-turi doirasida «Real» safarda «Selta» jamoasidan ustun keldi — 2:1. Uchrashuv Vigodagi «Balaydos» stadionida bo'lib o'tdi.

Madridliklar yarim himoyachisi Orelen Tshuameni 11-daqiqadayoq hisobni ochdi. Birinchi bo'lim o'rtalarida maydon egalari muvozanatni tiklashga muvaffaq bo'lishdi — Borxa Iglesias o'z nomini tabloga yozdirib qo'ydi. Ikkinchi bo'lim yakunida esa «qirollik klubi» a'zosi Federiko Valverde gol urib, mehmonlarga g'alaba keltirdi.

Ushbu g'alabadan so'ng «Real» ochkolari sonini 63 taga etkazib, La Liga turnir jadvalida 2-o'rinni egallab turibdi va peshqadam «Barselona»dan 1 ochkoga ortda qolmoqda. «Selta» esa 40 ochko bilan 6-pog'onadan joy olgan.

Ispaniya La Ligasi. 27-tur
07.03.2026 | 01:00
«Balaydos», Vigo

«SEL'TA» — «REAL MADRID» — 1:2
Gollar: Orelen Tchuameni 11’ (0:1), Borxa Iglesias 25’ (1:1), Federiko Valverde 90+4’ (1:2).

«Selta»: Radu, Starfelt, Alonso, Rodriges, Moriba (Vesino, 90+1), Roman, Mingesa (Aspas, 83), Karreyra, Svedberg (Lopes, 69), Xutgla (Alvares, 70), Iglesias (El-Abdellaui, 70).

«Real Madrid»: Kurtua, Raul Asensio, Ryudiger, Mendi, Trent Aleksandr-Arnold, Tchuameni, Arda Gyuler (Palasios, 65), Pitarch (Manuel Anxel, 90), Valverde, Vinisius Junior, Braim Dias (Fran Garsiya, 77).

Ogohlantirishlar: Iglesias (31), Tchuameni (86), Raul Asensio (90).