Allegrining maoshi oshishi kutilmoqda: «Milan» ustozi Chempionlar ligasi uchun mukofotlanadi

Massimiliano Allegri keyingi mavsumdan boshlab ko'proq daromad olishi mumkin.

«La Gazzetta dello Sport» nashrining xabar berishicha, «Milan» Chempionlar ligasi yo'llanmasini qo'lga kiritganidan so'ng, bosh murabbiyning yillik maoshi 1 million evroga oshib, 5 milliondan 6 million evroga etadi.

Shuningdek, shartnomadagi uchinchi yil kafolatlangan muddatga aylanadi. Avvalroq tomonlar 2027/28 yilgi mavsum uchun kelishuvni uzaytirish ChLga yo'llanma olingan taqdirda avtomatik tarzda yoki rahbariyat qarori bilan amalga oshishiga kelishib olishgan edi. Joriy chempionatda kuchli to'rtlikdan joy olish bu masalani kun tartibidan chiqaradi. Bundan tashqari, shartnomada 2028/29 yilgi mavsum uchun ham uzaytirish imkoniyati ko'zda tutilgan.

27-turdan so'ng «Milan» A Seriya jadvalida ikkinchi o'rinda bormoqda. Jamoaning 5-o'rindagi «Komo» bilan oradagi farqi 9 ochkoni tashkil etadi.