Mbappe va Bellingem «Manchester Siti»ga qarshi ilk o'yinni o'tkazib yuborishi aniq bo'ldi

Jurnalist Mario Kortegananing xabar berishicha, «Real» futbolchilari Kilian Mbappe va Jud Bellingem madridliklarning Chempionlar ligasi 1/8 finali doirasida «Manchester Siti»ga qarshi bo'lib o'tadigan ilk uchrashuvida maydonga tushmaydi.

«Real» o'z maydonida «Manchester Siti»ni 11 mart kuni qabul qiladi.

Manba bergan ma'lumotga ko'ra, klub rahbariyati Mbappe va Bellingemni 17 mart kuni Manchesterda bo'lib o'tadigan javob uchrashuviga qadar safga qaytarishga harakat qilmoqda.

Joriy mavsumda 27 yoshli Mbappe barcha turnirlarda 33 ta o'yin o'tkazib, 38 ta gol urdi va 6 ta golli uzatmani amalga oshirdi. 22 yoshli Bellingem hisobida esa 28 ta uchrashuvda 6 ta gol va 4 ta natijali uzatma mavjud.