Vadim Abramov "Dinamo" futbolchilari maosh olmayotganini ma'lum qildi (Matbuot anjumani)

Superliganing 2-turi doirasidagi «Bunyodkor» — «Dinamo» (1:2) uchrashuvidan so'ng mehmonlar ustozi Vadim Abramov ishtirokida matbuot anjumani o'tkazildi. Tajribali mutaxassis o'yin haqidagi fikrlari va klubdagi moliyaviy muammolar haqida ochiq gapirdi.

«Ikkinchi bo'lim validolga aylanib ketdi»
— Bahsni ko'ngildagidek boshladik. Omadimiz kelib, tezkor ikkita gol urdik va o'yin taqdirini birinchi taymdayoq hal qilib qo'yishimiz mumkin edi. Ammo tanaffusdan keyin o'yinimiz qovushmadi. Gol o'tkazib yuborganimizdan so'ng haqiqiy «validol» boshlandi. Yakunda g'alabani saqlab qoldik, ammo bunday o'yin bilan keyinchalik muammolarga duch kelishimiz aniq.

«Xato menda, o'zgarishlarni topa olmadim»
— Ikkinchi bo'limdagi pasayishga muvaffaqiyatsiz almashtirishlar sabab bo'ldi. Bu mening aybim. Zaxiradan tushganlar o'yinni kuchaytirishi kerak edi, lekin markazda nazoratni yo'qotdik. Natijada raqib tashabbusni qo'lga oldi.

«Azizbek Amonovda jarohat bor»
— Amonovning almashtirilishiga kichik jarohat sabab bo'ldi. U «Bunyodkor»ga qarshi katta ishtiyoq bilan o'ynadi. Ba'zi vaziyatlarda to'pni o'zida ko'p ushlab qolgani uchun e'tiroz bildirdim, lekin u iqtidorli yigit. Unga umid qilyapmiz.

Eng og'riqli nuqta: Moliyaviy inqiroz
— Futbolchilar bir necha oydan beri maosh olmayaptimi? Ha, gapingiz to'g'ri. To'rt oydan buyon maosh berilgani yo'q. Ularni ruhlantirish oson bo'lmayapti. Umid qilamizki, rahbariyat tez orada bu masalani hal qiladi.