O’Rayli "Nyukasl"ga qarshi o'ynaydimi? Gvardiola so'nggi ma'lumotlarni ochiqladi

«Manchester Siti» bosh murabbiyi Xosep Gvardiola himoyachi/yarim himoyachi Niko O’Raylining holati haqidagi savolga javob berdi. Eslatib o'tamiz, futbolchi yaqinda to'pig'idagi muammolar tufayli Premer-liga doirasidagi «Nottingem Forest»ga qarshi bahsni (2:2 hisobidagi durang) o'tkazib yuborgan edi.

Gvardiola hozircha O’Raylining «Nyukasl»ga qarshi maydonga tusha olishi yoki olmasligini bilmaydi.

«O’Raylining holati? U o'zini yaxshiroq his qilmoqda. Uning bugungi holati qanday bo'lishini kuzatamiz», — dedi Gvardiola matbuot anjumanida jurnalistlarga.

Shanba kuni, 7 martda «Manchester Siti» Angliya Kubogi 1/8 finali doirasida safarda «Nyukasl»ga qarshi maydonga tushadi. O'yin Toshkent vaqti bilan 8 martga o'tar kechasi soat 01:00 da boshlanadi.