Flik Kasado haqida fikr bildirdi

«Barselona» bosh murabbiyi Xans-Diter Flik yarim himoyachi Mark Kasadoning harakatlaridan mamnun, garchi futbolchi maydonda u qadar ko'p vaqt o'tkazmayotgan bo'lsa-da.

«Kasado «oltilik» (tayanch yarim himoyachi), «sakkizlik» pozitsiyalarida o'ynay oladi, shuningdek, u allaqachon mudofaa qanotida ham harakat qilib ko'rgan. U aqlli o'yinchi va bizda shunday futbolchi borligidan xursandman», — dedi Flik juma kungi matbuot anjumanida jurnalistlarga.

2025/2026 yilgi mavsumda Mark Kasado «Barselona»ning 25 ta rasmiy uchrashuvida ishtirok etdi. Ushbu bahslarda futbolchi bitta golli uzatmani o'z hisobiga yozdirib qo'ydi.