Slot yana shikoyat qildi

«Liverpul» bosh murabbiyi Arne Slot jamoaning Angliya Premer-ligasi joriy mavsumidagi omadsizliklariga izoh berdi.

Niderlandiyalik mutaxassis raqiblarning o'yin uslubidan nolidi. Uning ta'kidlashicha, «qizillar» uchun golli vaziyatlar yaratish qiyinlashib bormoqda.

«Men o'tgan mavsumdagi o'sha murabbiyman! Agar raqib xohlamasa, o'yin sur'atini belgilash juda qiyin. Hamma jismoniy kuchga tayanadigan va muayyan (himoyaviy) uslubga amal qiladigan zamonaviy APLda ko'plab golli vaziyatlar yaratish juda murakkab», — deya Slotning so'zlarini keltirmoqda insayder Fabritsio Romano.

APLning 29 turidan so'ng «Liverpul» 48 ochko bilan turnir jadvalida 6-o'rinda bormoqda.