«Yunayted»ning transfer ro'yxatida bir qator nomlar bor

«Nyukasl» yarim himoyachisi Sandro Tonali — «Manchester Yunayted»ga yoqadigan futbolchilardan biri.

«Yunayted»ning transfer maqsadlari haqida insayder Ben Jeykobs The United Stand strimida so'zlab berdi.

Uning ma'lumotlariga ko'ra, Tonali «MYu»ga maqul kelmoqda, biroq italiyalik futbolchining o'zi Italiyaga qaytishni orzu qiladi. Shu bilan birga, A Seriya klublarida Sandroni sotib olish borasida moliyaviy qiyinchiliklar bo'lishi mumkin. APL klubi esa bu vaziyatdan unumli foydalanib qolishi ehtimoli bor.

Jeykobsning ishonch bildirishicha, Manchester jamoasi yozda chap qanot vingerini sotib oladi. Asosiy maqsadlardan biri — «RB Leyptsig» a'zosi Yan Diomande. «MYu» ushbu pozitsiyani kuchaytirish uchun katta mablag' sarflashga tayyor.

Bundan tashqari, «Yunayted» Dortmundning «Borussiya» klubi himoyachisi Yulian Ryuersonni kuzatib bormoqda. Shuningdek, klub yarim himoyachi Elliot Andersonga ham qiziqish bildirmoqda, biroq «Nottingem Forest» futbolchi uchun hali narx belgilagani yo'q va uni arzonga sotib yubormoqchi emas.