Levandovski Markus Reshfordning muvaffaqiyat sirini aytdi

«Barselona» hujumchisi Robert Levandovski jamoadoshi Markus Reshford haqida gapirdi.

Angliyalik vinger o'tgan yilning yozida «Manchester Yunayted»dan ijara asosida «ko'k-anorranglilar» safiga kelib qo'shilgan edi.

«Reshfordning mahoratidan hayratdamanmi? Yo'q, uning ulkan salohiyati bir nechta mashg'ulotlardan keyinoq ko'rinib qolgandi. Markusda hamma narsa bor: tezlik, texnika, zarba, u ikkala oyog'ida ham ajoyib o'ynaydi. Qachonki bu yigit o'ziga ishonishayotganini his qilsa, u bunga yuz foizlik natija bilan javob qaytaradi.

Reshford — yaxshi, mehribon inson, lekin unga qo'llab-quvvatlash kerak. U o'ziga bo'lgan ishonchni his qilgandagina eng yaxshi o'yinini ko'rsatadi», — dedi Levandovski Sky Sport telekanaliga bergan intervyusida.

Markus Reshford «Barselona» tarkibida 36 ta o'yinda maydonga tushib, 10 ta gol va 13 ta golli uzatmani o'z hisobiga yozdirib qo'ygan.