«Kristal Pelas» ustozi «Tottenxem» ustidan qozonilgan g'alabani tahlil qildi

Angliya Premer-ligasi 29-turining yakuniy o'yinida Londonning «Tottenxem» klubi o'z maydonida «Kristal Pelas»ga 1:3 hisobida imkoniyatni boy berdi. Uchrashuvdagi voqealar haqida mehmonlar bosh murabbiyi Oliver Glasner o'z fikrlarini bildirib o'tdi. Tabiiyki, u o'yin natijasidan mamnun.

«Yoqimli oqshom bo'ldi, ayniqsa qayd etilgan natija va birinchi bo'lim yakunidagi o'yinimiz meni xursand qildi. Ikkinchi bo'lim esa unchalik yoqmadi, chunki maydonda bir kishi ko'p bo'lib o'ynagan holda, o'yinni kerakli darajada nazorat qilishga intilmadik. Bunday sharoitda raqibda haddan tashqari ko'p imkoniyatlar bo'ldi», — deya Glasnerning so'zlaridan iqtibos keltirmoqda «BBC Sport».

Hozirda «Kristal Pelas» APL turnir jadvalida 13-o'rinni egallab turibdi.