Garet Beyl «Real» mashg'ulotlaridagi eng yaxshi va eng yomon futbolchilarni aytdi

"Real Madrid" klubi sobiq futbolchisi Garet Beyl jamoada o'ynagan davrida mashg'ulotlarda eng yaxshi va eng yomon ko'ringan futbolchilarni aytdi.

«Luka Modrich va Toni Kroos hech qachon to'pni yo'qotmasdi, Isko ham xuddi shunday edi. Katta maydonda unga biroz qiyinroq bo'lishi mumkin, ammo kichik maydonlardagi o'yinlarda vaziyat butunlay boshqacha edi. Men ko'rgan futbolchilar orasida u eng ko'p Zinedin Zidanga o'xshaydigan o'yinchi.

Shu bilan birga, Eden Azar eng yomoni edi. "Chelsi"dagilar ham shu gapni aytishadi. U to'piq qismidan jarohat olgan va shundan keyin to'liq tiklana olmadi», — deya Beylning so'zlarini keltiradi AS.

Beyl "Real" safida 2013–2022 yillar davomida o'ynagan. U «qaymoqranglilar» tarkibida Ispaniya chempionatini uch marta, mamlakat kubogini bir marta qo'lga kiritgan, shuningdek, UEFA Chempionlar ligasining besh karra g'olibi hisoblanadi.