Arbeloa: "Tarkibimizda yo'qotishlar ko'p, ammo bu bahona emas"

«Real Madrid» bosh murabbiyi Alvaro Arbeloa jamoaning so'nggi vaqtlardagi natijalari haqida gapirdi.

«Men mag'lubiyatlarni izohlashni (bahona qilishni) yoqtirmayman. Bu erda muvaffaqiyatsizliklarni tushuntirish emas, balki g'alaba qozonish muhim. Nima uchun yutqazganing haqida gapirishdan ma'no yo'q. «Real»da faqat keyingi o'yindagi g'alaba ahamiyatga ega. Men turli jarayonlar, rivojlanish hech qachon bir tekis bo'lmasligi, doimo past-balandliklar bo'lishi haqida gapirishim mumkin... Lekin bu hech narsani o'zgartirmaydi.

Tushunaman, jamoa hozirgidan yaxshiroq o'ynay oladi. Tarkibimiz ajoyib ekanini ham bilaman. Ertaga bizni juda og'ir o'yin kutmoqda. Tarkibda yo'qotishlarimiz ko'p, ammo g'alaba qozonish uchun etarlicha futbolchilarimiz borligiga ishonchim komil.

Yaxshiroq o'ynashimiz, borimizni berishimiz va ko'proq kurashishimiz kerak. Emblemamizga mos keladigan ambitsiyali mentalitetga ega bo'lishimiz shart. Bu erdagi oxirgi kunimgacha shu maqsad yo'lida ishlayman va kurashaman», — dedi Arbeloa.

Eslatib o'tamiz, juma kuni, 6 mart kuni «Real» safarda «Selta» mehmoni bo'ladi.