Ispaniya — Argentina bahsi qaerda o'tadi? UEFA rasmiy bayonot berdi

UEFA 27 mart kuni Qatarning "Lusail" stadionida bo'lib o'tishi rejalashtirilgan Finalissima-2026 uchrashuvini boshqa joyga ko'chirish rejada yo'qligini e'lon qildi.

Avvalroq, Yaqin Sharqdagi keskin vaziyat tufayli Ispaniya va Argentina o'rtasidagi o'yin Qatardan boshqa mamlakatga ko'chirilishi mumkinligi haqida xabarlar tarqalgan edi.

«Mintaqadagi vaziyatni inobatga olgan holda, Finalissima atrofidagi turli mish-mishlardan xabarimiz bor. Biroq, ayni damda muqobil o'tkazilish joyi ko'rib chiqilmayapti», — deyiladi UEFA bayonotida.

Shunday bo'lsa-da, UEFA, KONMEBOL va FIFA yakuniy qarorga kelish uchun Qatar rasmiylari bilan muzokaralarni davom ettirmoqda. Uzil-kesil to'xtamga kelasi hafta yakuniga qadar kelinishi kutilmoqda.