Arteta "Arsenal"dan ketishi mumkin. Vaziyatni "Real" kuzatmoqda

Mikel Arteta joriy mavsum yakunida «Arsenal» bosh murabbiyi lavozimini tark etishi mumkin.

MatchDay Central nashrining ma'lumotlariga ko'ra, agar «kanonirlar» ushbu mavsum yakunida Angliya Premer-ligasi va Chempionlar ligasida g'olib chiqsa, ispaniyalik mutaxassis iste'foga chiqishi mumkin. Arteta ushbu sovrinlarni qo'lga kiritishni «Arsenal»dagi o'z loyihasining asosiy maqsadi deb hisoblaydi va bu maqsadga erishish boshqa joyda yangi chaqiruvlar izlash uchun ideal vaqt bo'lishini ta'kidlamoqda. Qayd etilishicha, Madridning «Real» klubi Arteta atrofidagi vaziyatni diqqat bilan kuzatib bormoqda.

Mikel Arteta «Arsenal»ni 2019 yilda boshqarishni boshlagan edi. Uning qo'l ostida London klubi ikki marta Angliya Superkubogi va bir marta Angliya Kubogini qo'lga kiritdi.