«Ko'pchilik mashg'ulotlarda ham qatnasha olmayapti»: Arteta futbolchilarining holatidan xavotirda

Londonning «Arsenal» klubi bosh murabbiyi Mikel Arteta jamoa futbolchilari hozirda eng yaxshi his-tuyg'ularni boshdan kechirmayotganini aytib, «kanonirlar» tarkibida muammolar juda ko'pligini ta'kidladi. Bugungi holatga ko'ra, «Arsenal» Angliya Premer-ligasining 2025/2026 yilgi mavsumi turnir jadvalida birinchi o'rinni egallab turibdi. Jamoa 30 ta o'yinda 67 ochko jamg'arishga muvaffaq bo'lgan.

«Hissiy jihatdan biz duch kelayotgan barcha narsalarni engib o'tishimizga to'g'ri kelmoqda. Ko'pgina o'yinchilarimizda muammolar etarli, ular tuzuk-quruq mashg'ulot o'tkaza olishmayapti va shunday bo'lsa-da, bularning barchasidan o'tishga majbur bo'lishmoqda.

Shu sababli ham ularning qilayotgan ishlarini juda yuqori baholayman», — deya Artetaning so'zlarini keltiradi «Arsenal» klubi rasmiy sayti.