Tomas Myuller: «Messi bor ekan, Argentina doimo chempionlikka da'vogar bo'lib qolaveradi»
/ Kiritdi: BestMaster Ko'rilgan: 22
Germaniyalik hujumchi Tomas Myullerning fikricha, Lionel Messi Argentina terma jamoasiga navbatdagi jahon chempionatida yana muvaffaqiyat keltirishga qodir.
2022 yilda «albiseleste» ko'p jihatdan Messining yorqin o'yini sababli mundial oltin medallarini qo'lga kiritgan edi. Bo'lajak turnir davomida «Inter Mayami» hujumchisi 39 yoshni qarshi oladi.
«Modomiki Messi safda ekan, Argentinani doimo g'alabaga asosiy da'vogar deb hisoblash kerak. 2022 yilda u o'z resurslarini ideal tarzda taqsimladi: imkon bo'lganda kuchini tejadi va hal qiluvchi lahzalarda porladi. Uning yo'qligi kuchlar muvozanatini tubdan o'zgartirib yuboradi», — deya hozirda «Vankuver Uaytkeps» sharafini himoya qilayotgan Myullerning so'zlarini keltiradi Inter Miami News Hub.
Eslatib o'tamiz, JCh-2026 bahslari 11 iyundan 19 iyulga qadar bo'lib o'tadi.
Bosh sahifaga
215