APLda «Arsenal» peshqadamligini mustahkamladi: «Manchester Siti» bilan farq 7 ochkoga etdi (Turnir jadvali)

«Arsenal» APLning 29-turida «Manchester Siti» bilan oradagi farqni oshirishga muvaffaq bo'ldi.

Bugun Mikel Arteta shogirdlari «Brayton»ni mag'lub etdi (1:0), «shaharliklar» esa «Nottingem Forest» bilan durang o'ynashdi (2:2).

«To'pchilar» 30 ta o'yindan so'ng 67 ochko bilan Angliya chempionatida peshqadamlik qilmoqda. «Manchester Siti» hisobida esa 29 ta o'yindan keyin 60 ochko mavjud.

Turnir jadvalining uchinchi pog'onasini «Manchester Yunayted» egallab turibdi. Ularda «Nyukasl»dan qabul qilingan mag'lubiyatdan (1:2) keyin 51 ochko qoldi, «Aston Villa»da ham xuddi shuncha ochko bor. Keyingi o'rinlarda esa 48 ochkodan jamg'argan «Chelsi» va «Liverpul» bormoqda.

Qayd etish lozimki, kuchli oltilikdagi barcha jamoalar «Arsenal»ga qaraganda bittadan kam o'yin o'tkazishgan.